Yaxın günlərdə Yer kürəsi G1 sinfindən olan zəif maqnit qasırğası ilə üzləşəcək. Bu, oktyabrın 12-də baş verəcək.
Oxu.Az-ın xəbərinə görə, bu barədə Rusiya Elmlər Akademiyasının Kosmik Tədqiqatlar Laboratoriyası öz rəsmi saytında məlumat verib.
Məlumata görə, bu gün, oktyabrın 10-da geomaqnit vəziyyət sakit olaraq qalır. Oxşar vəziyyət növbəti gün də davam edəcək. Lakin bazar günü, oktyabrın 12-də vəziyyət əhəmiyyətli dərəcədə dəyişəcək. Bakı vaxtı ilə saat 01:00-da Yer kürəsini G1 sinfindən maqnit qasırğası bürüyəcək.
Bununla belə, qasırğa uzun çəkməyəcək. Proqnozlara görə, artıq bazar ertəsi, oktyabrın 13-də vəziyyət sabitləşəcək. Maqnit qasırğası səngiyəcək və sonrakı bir neçə gün Yer kürəsi hər hansı təhlükə altında olmayacaq.
