Yüzlərlə Hollivud aktyoru süni intellektə məhdudiyyət qoyulmasını tələb edir

Hollivud aktyorları, rejissorları və digər yaradıcı sənaye işçiləri süni intellekt qaydalarının yumşaldılmasını tələb edir, lakin yüzlərlə insayder bunu dayandırmaq üçün açıq məktub imzalayıb.

Oxu.Az xəbər verir ki, bu barədə "CBS News" məlumat yayıb.

Mənbə bildirib ki, Hollivudda 420-dən çox əyləncə sahəsinin işçisi hökuməti süni intellektə aid olan müəllif hüquqları qanunlarını dəstəkləməyə çağıran açıq məktub imzalayıb. Qrupa aktrisa Nataşa Lionn rəhbərlik edir, həmçinin təşəbbüsə Bett Midler, Obri Plaza, Ava DüVerney, Pol Saymon, Mark Ruffalo və başqaları qoşulublar.

Məktubda qeyd olunur ki, "OpenAI" və "Google" bu yaxınlarda hökumətə süni intellekt təlimi üçün bütün hüquqi müdafiə tədbirlərini və mövcud müəllif hüquqları məhdudiyyətlərini aradan qaldırmağı tövsiyə edib. Bir qrup Hollivud aktyoru hesab edir ki, bu cür normaların zəifləməsi yaradıcı sənayelərin hesabına baş verəcək. Bəzi sənətçilər də, həmçinin filmlərdə süni intellektin istifadəsinin onların işinə xələl gətirəcəyindən qorxurlar.