Zelenski prezident seçilsə, işə velosipedlə gedəcək

Ukraynada prezidentliyə namizəd Vladimir Zelenski seçkilərdə qalib gələcəyi təqdirdə, işə velosipedlə getməyə hazır olduğunu bəyan edib.

Bu barədə “Ukrainskiye novosti” məlumat yayıb.

“Niyə də yox? Birincisi, bu, rahatlıqdır. Mən bacarıram”, - deyə o vurğulayıb.

Bununla yanaşı Zelenski mühafizə xidmətinin onun işə velosipedlə getməsinin əleyhinə olduğunu deyib.

Qeyd edək ki, bu gün Ukraynada prezident seçkiləri keçirilir. Zelenski birinci turda qələbəyə ən real namizədlərdən sayılır.