Ağcabədi rayonunda itkin düşərək naməlum istiqamətə gedən iki yeniyetmənin tapılması ilə bağlı polis əməkdaşları tərəfindən tədbirlər keçirilib.
Bu barədə Oxu.Az-a Daxili İşlər Nazirliyinin (DİN) Mətbuat Xidmətinin regional qrupundan məlumat verilib.
"Keçirilən tədbirlərlə həmin yeniyetmələrin Bakı şəhərində olduqları yer müəyyən edilib və onlar aidiyyəti üzrə təhvil veriliblər. Onların itkin düşməsi ilə bağlı hər hansı kriminal hal müəyyən olunmayıb", - deyə məlumatda qeyd olunub.
Ağcabədi rayonunda iki yeniyetmə qohum itkin düşüb.
Oxu.Az-ın məlumatına görə, hadisə rayonun Hüsülü kəndində baş verib.
Kənd sakinləri - 2010-cu il təvəllüdlü Anar Məmmədov və onun əmisi oğlu Kamal Məhərrəmli iyunun 22-də səhər saatlarında evdən çıxaraq naməlum istiqamətdə gediblər.
Ailələri bu barədə polisə məlumat veriblər. Polis əməkdaşları faktla bağlı əməliyyat-axtarış tədbirlərini davam etdirirlər.
