Şəmkirdə 35 yaşlı kişi bıçaqlanıb.
Oxu.Az "Unikal"a istinadən xəbər verir ki, Ağcəbədi rayonu, Hindarx kənd sakini, 1990-cı il təvəllüdlü R.Allahverdiyev kəsilmiş-deşilmiş bıçaq xəsarəti ilə xəstəxanaya yerləşdirilib.
35 yaşlı kişiyə xəstəxanada dərhal yardım edilib, vəziyyətinin orta ağır olduğu bildirilir. Hadisənin hansı səbəbdən baş verməsi məlum deyil.
TƏBİB-dən bildirilib ki, Şəmkir Rayon Mərkəzi Xəstəxanasına 1990-cı il təvəllüdlü şəxs (kişi cinsi) qarının ön divarının kəsilmiş-deşilmiş yarası, qaraciyərin sağ payının kəsilmiş-deşilmiş yarası, öd kisəsinin ön və arxa divarının kəsilmiş-deşilmiş yarası xəsarətləri ilə hospitalizasiya olunub. Retroperitanal hematoma diaqnozu ilə Cərrahiyyə şöbəsində stasionar yatışa verilib.
Məlum olub ki, R.Allahverdiyev Şəmkir şəhərində yerləşən evlərin birinə oğurluğa girib.
Bu zamana oğurluq edən şəxs tutulduğunu görüb və nəticədə özünə bıçaqla xəsarət yetirib.
Faktla bağlı araşdırma aparılır.
