Ağdamda baş vermiş qəzada xəsarət alanların adları məlum olub.
Oxu.Az bildirir ki, onlar 1971-ci təvəllüdlü Xosrov Xəlil oğlu Bayramov, 1974-cü il təvəllüdlü Gültəkin Ayxan qızı Bayramova, 1999-cu il təvəllüdlü Teyyubə Xosrov qızı Bayramova, 1961-ci il təvəllüdlü Laləzar Mirzə qızı Mehralıyeva və 1969-cu il təvəllüdlü Nazilə Kəriş qızı Qarayevadır.
Yaralılardan üçü - Bayramova Gültəkin, Bayramova Teyyubə və Bayramova Laləzara Ağdam Rayon Mərkəzi Xəstəxanasında tibbi yardım göstərildikdən sonra Bərdə Rayon Mərkəzi Xəstəxanasına köçürülüblər.
Ağdamda yol-nəqliyyat hadisəsi baş verib.
Oxu.Az-ın məlumatına görə, hadisə rayonun Çəmənli kəndi ərazisində qeydə alınıb. Kənd ərazisində hərəkətdə olan "Toyota" markalı avtomobil idarəetməni itirərək yolun kənarındakı elektrik dirəyinə dəyib. Elektrik dirəyini qıran avtomobil daha sonra yolun kənarındakı beton hasara çırpılaraq, yolda hərəkətdə olan "KIA" markalı avtomobillə toqquşub.
Hadisə nəticəsində "Toyota" da olan sürücü və 3 sərnişini xəsarət alıb.
Yaralılar Ağdam Rayon Mərkəzi Xəstəxanasına çatdırılıblar.
Faktla bağlı araşdırma aparılır.
Samir Əli
