Ağstafa rayonunda yanmış meyit tapılıb. Hadisə rayonun Qaçaq Kərəm kəndində qeydə alınıb. 51 yaşlı kənd sakini Elman Əliyevin meyiti yaşadığı evin zirzəmisində aşkar edilib.
Oxu.Az xəbər verir ki, bu barədə Baku TV-nin videomaterialında bildirilib.
Mərhumun yaxınlarının sözlərinə görə, Elman Əliyev spirtli içki aludəçisi idi və bəzən bağda və ya evin zirzəmisində gecələyirdi.
"İçki içən adam idi, çox vaxt tibbi spirt qəbul edirdi. Siqaret çəkirdi, ehtimal ki, sərxoş vəziyyətdə olub. Siqaretin külü düşdüyü üçün yanğın başlayıb. O, bunu hiss etməyib və tüstüdən boğularaq ölüb", - deyə mərhumun yaxını bildirib.
Faktla bağlı Ağstafa Rayon Prokurorluğunda araşdırma başlanılıb.
Ağstafa rayonunda evdə yanğın baş verib.
Oxu.Az-ın məlumatına görə, hadisə rayonun Xətai kəndində qeydə alınıb. Belə ki, kənd sakini 1975-ci il təvəllüdlü E.Əliyevin yaşadığı evdə yanğın baş verib. Yanğın söndürüləndən sonra 51 yaşlı ev sahibinin meyiti otaqlardan birində aşkarlanıb.
Hazırda hadisə yerinə polis və prokurorluq əməkdaşları cəlb ediliblər.
İlkin ehtimala görə, ev qısaqapanma nəticəsində yanıb. Meyitin üzərində zorakılıq əlamətləri aşkar edilməyib.
Faktla bağlı araşdırma aparılır.
