Ağsu rayonunda avtoxuliqanlıq edən şəxs həbs olunub.
Oxu.Az-ın məlumatına görə, Ağsu Rayon Polis Şöbəsinin Dövlət Yol Polisi Bölməsi əməkdaşlarının keçirdikləri profilaktik tədbirlər zamanı rayon sakini Hikmət Abbasov saxlanılıb. O, dövlət qeydiyyat nişanı olmadan idarə etdiyi VAZ-2107 avtomobilində sayrışan işıqlar quraşdıraraq, konstruksiya dəyişikliyinə yol verib və rayon ərazisində avtoxuliqanlıq edərkən saxlanılıb.
H.Abbasov barəsində toplanmış materiallar baxılması üçün rayon məhkəməsinə göndərilib. Ağsu Rayon Məhkəməsinin qərarı ilə həmin şəxs 8 sutka inzibati qaydada həbs olunub.
Samir Əli
