Bakı-Quba yolunun Saray qəsəbəsindən keçən hissəsində ağır yol-nəqliyyat hadisəsi baş verib.
Belə ki, yük maşını avtomobilindən düşüb telefonla danışan müğənni Kamil Sərməsovu vurub və o, hadisə yerindəcə həyatını itirib.
Müğənni ilə vida mərasimində iştirak edən həmkarı Bahar Lətifqızı hadisə barədə Baku TV-yə gözyaşları içində danışıb:
"Səhər duranda qohumum xəbər verdi ki, Kamil qəza keçirib. Dedilər ki, "KamAZ"la öz maşınının arasında qalıb. 24 il idi ki, bir-birimizi tanıyırdıq. Bu illər ərzində ondan bir dəfə də inciməmişəm. Sanki qardaşımı itirmişəm".
Bakı-Sumqayıt yolunda ağır yol-nəqliyyat hadisəsi baş verib.
Oxu.Az xəbər verir ki, hadisə nəticəsində bir nəfərin öldüyü bildirilir.
Baş Dövlət Yol Polisi İdarəsindən (BDYPİ) Oxu.Az-ın sorğusuna cavab olaraq fakt təsdiqlənib.
"Məlumata görə, Daşkəsən rayon sakini, 1979-cu il təvəllüdlü Samir Əhməd oğlu Səmədovun idarə etdiyi MAN markalı 60-AC-426 dövlət nömrə nişanlı yük maşını "Lexus" markalı 77-GE-211 dövlət nömrə nişanlı avtomobili və onun yanında dayanmış sürücü - 1983-cü il təvəllüdlü Kamil Əlövsət oğlu Sərməsovu vurub.
Nəticədə Kamil Sərməsov hadisə yerində həyatını itirib. Faktla bağlı araşdırma aparılır", - deyə məlumatda vurğulanıb.
Qeyd edək ki, Kamil Sərməsov keçmiş ANS telekanalının məşhur layihələrindən olmuş "Toylar Kralı"nın finalçılarından idi.
Əzizə İsmayılova
