Bu gün səhər saatlarında Bakıda yol-nəqliyyat hadisəsi baş verib.
Oxu.Az xəbər verir ki, hadisə şəhərin mərkəzində, H.Aslanov küçəsində qeydə alınıb.
Hadisə BYD markalı, 77-PY-786 dövlət nömrə nişanlı avtomobillə "Hyundai" markalı 10-LX-076 dövlət nömrə nişanlı avtomobilin toqquşması nəticəsində baş verib.
Şahidlərin sözlərinə görə, toqquşmaya səbəb avtomobillərin bir-birinə yol verməməsi olub.
Xəsarət alan olmayıb. Avtomobillərə ciddi maddi ziyan dəyib.
Bakı Şəhər Dövlət Yol Polisi İdarəsindən (BŞDYPİ) Oxu.Az-ın sorğusuna cavab olaraq bildirilib ki, hadisə zamanı xəsarət alan olmayıb. Faktla bağlı araşdırma aparılır.
Əzizə İsmayılova
