Bakıda avtobusu əks istiqamətlə sürərək təhlükə yaradan sürücü CƏZALANDIRILDI

Bakıda tıxacda əks istiqamətdə hərəkət edən sərnişin avtobusunun aid olduğu şirkət açıqlama verib.

148 saylı müntəzəm marşrut xətti üzrə sərnişinlərə xidmət göstərən "Qrand Bus" MMC-dən Oxu.Az-a bildirilib ki, yol hərəkəti qaydalarını pozmuş sürücü barəsində tədbir görülüb:

"Hadisə ilə bağlı tərəfimizdən araşdırma aparılıb və aidiyyəti qurumlara məlumat verilib. Həmin sürücü ilə əmək münasibətlərinə xitam verilməsinə dair qərar qəbul edilib".

Məhərrəm Əliyev

11:10

Bakıda sərnişin avtobusu ilə bağlı təhlükəli vəziyyət qeydə alınıb.

Oxu.Az Baku.ws-ə istinadən xəbər verir ki, 148 nömrəli marşrut avtobusu paytaxt yollarında tıxac səbəbilə hərəkətini davam etdirə bilmədiyi üçün əks istiqamətli yola çıxıb.

Qaydaları kobud şəkildə pozan sürücü digər nəqliyyat vasitələri və sərnişinlər üçün təhlükə yaradıb.

Bakıda avtobusu əks istiqamətlə sürərək təhlükə yaradan sürücü CƏZALANDIRILDI