Bakıdan Qubaya işləməyə gedən fəhlələri elektrik cərəyanının vurması faktı ilə bağlı cinayət işi açılıb.
Oxu.Az-ın məlumatına görə, bu barədə Baş Prokurorluq məlumat yayıb.
Məlumatda qeyd edilir ki, evin üstünün betonlanması zamanı 1965-ci il təvəllüdlü Xanlar Məhəmmədəli oğlu Paşayevin idarə etdiyi betonqarışdıran maşının borusu ərazidən keçən yüksəkgərginlikli elektrik xəttinə ilişib.
Baş Prokurorluğunun Mətbuat xidmətindən daxil olmuş sorğulara cavab olaraq bildirilir ki, mayın 13-də Quba rayonunun Əski-İqriq kəndində yerləşən fərdi yaşayış evində elektrik cərəyanı vurması nəticəsində 2000-ci il təvəllüdlü Əsəd Hüseynquliyevin ölməsi, 2001-ci il təvəllüdlü Şəmistan Yusubovun isə müxtəlif dərəcəli bədən xəsarətləri alması faktı ilə bağlı Quba rayon prokurorluğunda Cinayət Məcəlləsinin 124.1-ci maddəsilə (ehtiyatsızlıqdan adam öldürmə) cinayət işi başlanaraq ibtidai istintaq aparılır.
Bakıdan Qubaya işləməyə gedən fəhlələri elektrik cərəyanı vurub.
Oxu.Az-ın məlumatına görə, hadisə rayonun Əski İqriq kəndində bağ evinin tikintisi zamanı baş verib.
Evin üstünün betonlanması zamanı 1965-ci il təvəllüdlü Xanlar Məhəmmədəli oğlu Paşayevin idarə etdiyi betonqarışdıran maşının borusu ərazidən keçən yüksəkgərginlikli elektrik xəttinə ilişib.
Nəticədə həmin borudan tutan iki fəhləni - 2001-ci il təvəllüdlü Şəmistan Əşrəf oğlu Yusibov və 2000-ci il təvəllüdlü Əsəd Elman oğlu Hüseynquliyevi cərəyan vurub.
Ə.Hüseynquliyev hadisə yerində ölüb, Ş.Yusibov isə xəstəxanaya yerləşdirilib.
Aqil Vəlili
