Bərdə rayonunda baş verən yol-nəqliyyat hadisəsi zamanı faciəli şəkildə həlak olan hərbçi Orxan Əliyevin görüntüsü yayılıb.
Oxu.Az "Qafqazinfo"ya istinadən qəzada həlak olan hərbçimizin fotosunu təqdim edir:
Bərdə rayonunda baş verən yol-nəqliyyat hadisəsi ilə əlaqədar bu gün saat 06:50-də 2007-ci il təvəllüdlü şəxs (kişi) Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib
Bildirilib ki, döş qəfəsinin küt travması, sağ körpücük sümüyünün sınığı, başın tüklü hissəsinin açıq yarası, qapalı kəllə-beyin travması diaqnozu təyin olunan pasiyentin müalicəsi müvafiq şöbədə davam etdirilir, vəziyyəti orta ağırdır.
Qeyd edək ki, hadisə nəticəsində bir nəfərin (kişi) isə həkiməqədər ölüm faktı qeydə alınıb.
Bərdə rayonunda ölümlə nəticələnən yol-nəqliyyat hadisəsi baş verib.
Oxu.Az-ın məlumatına görə, hadisə bu gün səhər saatlarında rayonunun Soğanverdilər kəndi ərazisində qeydə alınıb.
Kənd ərazisində hərəkətdə olan "Toyota-Prius" markalı avtomobil hərəkətdə olarkən idarəetmədən çıxaraq yol kənarındakı maneəyə çırpılıb.
Hadisə nəticəsində avtomobildə olan sərnişin, Ağdam rayon sakini Orxan Əliyev aldığı xəsarətlərdən ölüb, sürücü və daha bir sərnişin xəsarətlərlə xəstəxanaya yerləşdirilib.
Məlumata görə, hadisə zamanı həlak olan Orxan Əliyev hərbi qulluqçu olub.
Faktla bağlı araşdırma aparılır.
