Biləsuvardakı ağır yol qəzasında xəsarət alan şəxslərin kimliyi məlum olub

Biləsuvarda baş verən ağır yol qəzasında xəsarət alan şəxslərin kimliyi məlum olub.

Oxu.Az "Report"a istinadən xəbər verir ki, onlar 2000-ci il təvəllüdlü Eşqin Kərimli, 1997-ci il təvəllüdlü Türkanə Kərimli, 1950-ci il təvəllüdlü Səlimixanım Əliyeva, 1995-ci il təvəllüdlü Xəyyam Quluzadə, 2019-cu il təvəllüdlü Məlahət Quluzadə, 2013-cü il təvəllüdlü Hüseyn Quluzadə, 1952-ci il təvəllüdlü Tofiq Abdullayev və 1993-cü il təvəllüdlü Gözəl Abdullayevdir.

Faktla bağlı araşdırmalar davam etdirilir.

12:08

Biləsuvar rayonunda baş verən ağır avtomobil qəzasının bəzi təfərrüatı məlum olub.

Oxu.Az "Report"a istinadən xəbər verir ki, hadisə Biləsuvar-Bəhrəmtəpə yolunun Arazbari kəndindən keçən hissəsində qeydə alınıb.

Belə ki, VAZ-2107 markalı minik avtomobilinin "Opel" markalı minik avtomobili ilə toqquşması nəticəsində yeddi nəfər müxtəlif bədən xəsarətləri alıb.

Xəsarət alan həmin şəxslərdən biri hadisə yerində, biri isə xəstəxanada vəfat edib.

Yaralılar Biləsuvar və Cəbrayıl Rayon Mərkəzi Xəstəxanalarına yerləşdiriliblər.

Məlumata görə, VAZ-2107-də olan şəxslər bir ailənin üzvləri olan Beyləqan rayon sakinləridir. Onların Salyan rayonuna yas mərasiminə getdiyi bildirilir.

"Opel" markalı minik avtomobilində olan şəxslər isə Cəbrayılın Cocuq Mərcanlı kəndinin sakinləridir. Onlar da Bakıdan Cocuq Mərcanlıya toy məclisinə gəlirmişlər.

Faktla bağlı araşdırma aparılır.

Biləsuvardakı ağır yol qəzasında xəsarət alan şəxslərin kimliyi məlum olub

12:02

Biləsuvarda bir neçə nəfərin ölümü ilə nəticələnən yol-nəqliyyat hadisəsi qeydə alınıb.

Daxili İşlər Nazirliyinin (DİN) Mətbuat Xidmətinin Lənkəran regional qrupundan Oxu.Az-a bildirilib ki, hadisə dekabrın 28-də saat 9 radələrində rayonun Arazbarı kəndi ərazisində baş verib.

X.Quluzadənin idarə etdiyi "Opel" markalı avtomobillə E.Kərimlinin idarə etdiyi VAZ markalı avtomobillə toqquşub. Nəticədə avtomobillərdə olan sərnişinlərdən Şöhlət Məmmədova, Məryəmxanım Kərimova və İlqar Kərimov ölüb, səkkiz nəfər isə müxtəlif bədən xəsarətləri alıb.

Faktla bağlı araşdırma aparılır.

Samir İsayev

11:28

Biləsuvar rayonunda ağır yol-nəqliyyat hadisəsi olub.

Oxu.Az "Report"a istinadən xəbər verir ki, hadisə Biləsuvar-Bəhrəmtəpə yolunda qeydə alınıb.

İlkin məlumata görə, iki minik avtomobilinin toqquşması nəticəsində üç nəfər ölüb, iki nəfər yaralanıb.

Hazırda onların şəxsiyyəti dəqiqləşdirilir.

Faktla bağlı araşdırma aparılır.