Bakıda, Dənizkənarı Milli Parkda batma təhlükəsində olan şəxs xilas edilib.
Bu barədə Oxu.Az-a Fövqəladə Hallar Nazirliyindən (FHN) məlumat verilib.
Qeyd olunub ki, nazirliyin "112" qaynar telefon xəttinə Bakı şəhəri, Səbail rayonu, Dənizkənarı Milli Park ərazisində bir nəfərin dənizdə batma təhlükəsi ilə üzləşməsi barədə məlumat daxil olub.
Bulvarda dənizdə batmaqda olan şəxs xilas edilib - VİDEO
Məlumatla əlaqədar dərhal hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb olunublar.
Həyata keçirilən operativ xilasetmə əməliyyatı nəticəsində 2008-ci il təvəllüdlü Sadiq Elnur oğlu Nəsirli dalğıc-xilasedicilər tərəfindən xilas edilərək aidiyyəti üzrə təhvil verilib.
Qaynar xətt:
(055) 224 12 12
