Bakıda özünü və digər hərəkət iştirakçılarını təhlükəyə atan piyadaların görüntüləri yayıb. Videoda eyni məkanda fərqli nəticələrin yaşandığı diqqətə çatdırılır.
Oxu.Az xəbər verir ki, bununla bağlı Daxili İşlər Nazirliyi Nəqliyyatı İntellektual İdarəetmə Mərkəzinin piyadalara müraciət ünvanlayıb.
Bildirilib ki, bu hadisələr piyada keçidlərini əhəmiyyətsiz bilib yolun hərəkət hissəsindən keçməyin həyat üçün nə qədər təhlükəli olduğunu bir daha göstərib.
Mərkəzdən qeyd edilib ki, belə hadisələrin baş verməməsi, gedəcəyiniz ünvana rahat və təhlükəsiz şəkildə çatmaq üçün keçidlərdən istifadə etməlisiniz.
"Sürücülərə isə müraciət edərək bildiririk ki, diqqətiniz yolda və sürət həddində olsun. Belə olduqda, xüsusilə də çoxzolaqlı yollarda qaydalara əməl etməyib yolun hərəkət hissəsindən keçməyə çalışan piyadaları gördüyünüz anda, qəzaların baş verməməsi üçün vaxtında təhlükəsizlik tədbirləri görə biləcəksiniz", - müraciətdə vurğulanıb.
