Boliviya Hərbi Hava Qüvvələrinə məxsus təyyarə qəzaya uğrayıb, altı nəfər həlak olub.
Oxu.Az xəbər verir ki, bu barədə ölkənin Müdafiə Nazirliyi məlumat yayıb.
Məlumata görə, "Cessna 210" tipli yüngülmühərrikli təyyarə La Pas-Koçabamba marşrutu üzrə humanitar reys həyata keçirən zaman qəza baş verib.
Uçuş zamanı heyətlə əlaqə kəsilib, ardınca axtarış-xilasetmə əməliyyatına başlanılıb.
Xilasedicilər təyyarənin qalıqlarını aşkar ediblər. Boliviya hakimiyyətinin məlumatına görə, qəzada sağ qalan yoxdur. Göyərtədə olan altı nəfərin hamısı - dörd hərbçi və iki mülki şəxs həyatını itirib.
Aviasiya qəzasının səbəbi və hadisənin təfərrüatları araşdırılır.
Qaynar xətt:
(055) 224 12 12
