Gəncədə 9-cu mərtəbədən yıxılan qızın durumu açıqlandı: "Beyni ciddi zədə almayıb"

Ötən gün Gəncə şəhərindəki binanın 9-cu mərtəbəsindən yıxılan 13 yaşlı X.Fərəzəliyevanın səhhəti stabildir.

Oxu.Az xəbər verir ki, bu barədə Teleqraf-a Mərkəzi Klinikadan bildiriblər.

"Xəstə əməliyyat edilib, ümumi vəziyyəti stabildir. Yaralının bədənində sınıqları çoxdur, bunlar sonrakı mərhələdə müalicə olunacaq. Qanaxma dayandırılıb, xəstənin huşu özündədir. Əsas problem qarın boşluğundadır. Beyni ciddi zədə almayıb", - xəstəxanadan qeyd edilib.

00:12

Gəncədə 13 yaşlı qız binanın 9-cu mərtəbəsindən yıxılaraq xəsarət alıb.

Oxu.Az "Teleqraf"a istinadən xəbər verir ki, 2013-cü il təvəllüdlü X.Fərəzəliyeva Gəncədəki özəl xəstəxanalardan birinə yerləşdirlib.

İlkin məlumata görə, hadisə ehtiyatsızlıqdan baş verib.