Gəncədə yol-nəqliyyat hadisəsi olub - Ölən və xəsarət alanlar var

Gəncə şəhərində yerləşən parkların birinin yaxınlığında avtoqəza olub, bir nəfər ölüb, iki nəfər xəsarət alıb.

"Report"un məlumatına görə, iki avtomobilin toqquşması nəticəsində 1967-ci il təvəllüdlü Kəbirə Əliyeva və onun həyat yoldaşı, 1962-ci il təvəllüdlü F.Əliyev və digər avtomobildə olan 2001-ci il təvəllüdlü S.İsgəndərov xəsarət alıblar.

Zərərçəkənlər xəstəxanaya çatdırılıblar. Həkimlərin səylərinə baxmayaraq, K.Əliyevanın həyatını xilas etmək mümkün olmayıb.

Faktla bağlı araşdırma aparılır.