Bakının Qaradağ rayonu Lökbatan qəsəbəsindəki yanğında "Birmarket"ə məxsus anbara da zərər dəyib.
Oxu.Az xəbər verir ki, bu barədə şirkət məlumat yayıb.
Bildirilib ki, bu səbəbdən aktiv sifarişlərin çatdırılmasında gecikmələr və yeni sifarişlərin qəbulunda çətinliklər yaşana bilər.
Bakının Qaradağ rayonu Lökbatan qəsəbəsində yanan anbardan "Kontakt Home" da məhsullarının saxlanması üçün istifadə edirmiş.
Oxu.Az xəbər verir ki, bu barədə mağazalar şəbəkəsi məlumat yayıb.
"Bu gün məhsullarımızın saxlandığı anbarlardan birində yanğın baş verib. Ən önəmlisi odur ki, heç kim zərər çəkməyib, hadisə yerindəki bütün insanlar salamatdırlar. Mövcud vəziyyətlə əlaqədar bəzi sifarişlərinizin çatdırılmasında qısamüddətli gecikmələr yaşana bilər. Vəziyyətlə bağlı yeni məlumatlar paylaşılacaq. Səbrinizə və etimadınıza görə minnətdarıq", - məlumatda deyilir.
Hazırda Lökbatan qəsəbəsində yerləşən anbarda güclü yanğın davam edir.
Yanğının söndürülməsi əməliyyatına Fövqəladə Hallar Nazirliyinin (FHN) Dövlət Yanğından Mühafizə, Xüsusi Riskli Xilasetmə xidmətləri, aviasiya dəstəsi və Bakı Regional Mərkəzinin ümumilikdə 182 nəfər şəxsi heyəti, 40 xüsusi təyinatlı texnikası və iki helikopter cəlb edilib.
