Masallı rayonunda Viləşçay su anbarında batdığı ehtimal olunan şəxsin meyiti tapılıb.
Oxu.Az xəbər verir ki, FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasedicilərinin axtarışları nəticəsində 67 yaşlı Mirmusa Aslanovun meyiti Viləşçay su anbarında tapılıb.
Meyit aidiyyəti üzrə təhvil verilib.
Faktla bağlı araşdırma aparılır.
Masallı rayonunda su anbarında batan şəxsin kimliyi məlum olub.
Oxu.Az xəbər verir ki, o rayonun İsi kənd sakini, 1958-ci il təvəllüdlü Mirmusa Güləhməd oğlu Aslanovdur.
Belə ki, M.Aslanov rayonunun Qəriblər kəndində yerləşən Viləşçay su anbarında batması ilə Fövqəladə Hallar Nazirliyinə bağlı məlumat daxil olub. Əraziyə FHN-in dalğıc-axtarış qrupunun əməkdaşları cəlb olunub.
Məlumata görə, M.Aslanov dünən saat 18:00 radələrində evdən çıxaraq özünə məxsus mal-qarasının dalınca gedib və sonra ondan heç bir xəbər olmayıb. Kənd sakinlərinin axtarışı nəticəsində M.Aslanovun geyim əşyaları su anbarının yanında aşkar olunub. Ona görə ehtimal olunur ki, o, su anbarında batıb.
Hazırda onun axtarışı davam etdirilir.
Masallı rayonunun İsi kəndi yaxınlığındakı Viləşçay su anbarında bir nəfər batıb.
Oxu.Az bu barədə Fövqəladə Hallar Nazirliyinin məlumatına istinadla xəbər verir.
Qeyd olunur ki, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
Əlavə məlumat veriləcək.
