Naftalanda yaşayış binasında YANĞIN - Tüstüdən zəhərlənənin son vəziyyəti AÇIQLANDI

"Respublika Təcili və Təxirəsalınmaz Tibbi Yardım Mərkəzinə mayın 20-də saat 5:00-da Naftalan şəhəri, İ.Həsənzadə küçəsində yerləşən yaşayış ünvanından yanğın baş verməsi barədə çağırış daxil olub".

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, çağırış ünvanına təcili tibbi yardım briqadası cəlb olunub:

"Təcili tibbi yardım briqadası tərəfindən hadisə yerində iki nəfərə (kişi və qadın) tibbi xidmət göstərilib. Təxliyəyə ehtiyac yaranmayıb".

Aləmdə Nəsib

09:00

Naftalan şəhərində yerləşən doqquz mərtəbəli yaşayış binasında yanğın baş verib.

Oxu.Az APA-ya istinadən xəbər verir ki, hadisə binanın səkkizinci mərtəbəsində təmir işləri aparılan mənzildə qeydə alınıb.

Hadisə yerinə dərhal Fövqəladə Hallar Nazirliyinin (FHN) yanğınsöndürən texnikası və şəxsi heyəti cəlb olunub. Yanğın qısa müddətdə söndürülüb və alovun digər mənzillərə keçməsinin qarşısı alınıb.

Yanğın zamanı binanın doqquzuncu mərtəbəsində yaşayan sakinlər - 1973-cü il təvəllüdlü Ulduz Əhmədova və onun oğlu, 1990-cı il təvəllüdlü Bəxtiyar Əhmədov tüstüdən zəhərləniblər. Hadisə yerinə çağırılan təcili tibbi yardım briqadası tərəfindən onlara ilkin tibbi yardım göstərilib. Həkimlərin verdiyi məlumata görə, hər iki şəxsin vəziyyəti qənaətbəxşdir.

Faktla bağlı araşdırma aparılır.