"Naxçıvan Muxtar Respublikasının Babək rayonunun Kültəpə kəndindən Yoluxucu Xəstəliklər Mərkəzinə ümumilikdə 23 nəfər qadın dəm qazı zəhərlənməsi şübhəsi ilə daxil olub".
Bu barədə Oxu.Az-ın sorğusuna cavab olaraq, Naxçıvanın Səhiyyə Nazirliyindən bildirilib.
Məlumatda qeyd olunub ki, aparılmış tibbi müayinələr nəticəsində onların 8 nəfərində dəm qazından zəhərlənmə halları təsdiqlənib:
"Bütün pasiyentlərə zəruri tibbi müdaxilələr göstərilib, vəziyyətləri hərtərəfli qiymətləndirilib. Zərərçəkənlər arasında ağır vəziyyətdə olan şəxs qeydə alınmayıb.
Səhhəti stabilləşmiş şəxslər ambulator nəzarətə buraxılıb, hazırda mərkəzdə stasionar müalicə alan pasiyent yoxdur".
Məhərrəm Əliyev
Naxçıvanda dəm qazından 20-dən çox şəxs zəhərlənib.
Oxu.Az xəbər verir ki, hadisə Babək rayonunun Kültəpə kəndində yas mərasimində baş verib.
İlkin məlumata görə, zərərçəkmişlər Naxçıvan Muxtar Respublikası Yoluxucu Xəstəliklər Mərkəzinə yerləşdiriliblər, müalicələri davam etdirilir.
