Mayın 23-də Naxçıvanda baş verən yol-nəqliyyat hadisəsində xəsarət alan şəxslərdən daha biri xəstəxanada vəfat edib.
Oxu.Az "Report"a istinadən xəbər verir ki, hadisə Babək rayonunun Çeşməbasar kəndi ərazisində qeydə alınıb.
Belə ki, "Hyundai" markalı avtomobilin yoldan çıxaraq aşması nəticəsində ağır xəsarətlər alan 2002-ci il təvəllüdlü Şahin Elxan oğlu Vəliyev müalicə aldığı xəstəxanada bu gün dünyasını dəyişib.
Qeyd edək ki, qəzadan üç gün sonra hadisə zamanı xəsarət alan digər şəxs - 22 yaşlı Nail İlham oğlu Əlizadə da xəstəxanada vəfat etmişdi. Beləliklə, sözügedən yol qəzasında həyatını itirənlərin sayı 2-yə çatıb.
Hazırda xəsarət alan daha 4 nəfərin müalicəsi davam etdirilir. Faktla bağlı araşdırma aparılır.
Qaynar xətt:
(055) 224 12 12
