Salyan rayonunda ağır yol-nəqliyyat hadisəsi baş verib, nəticədə doqquz nəfər müxtəlif dərəcəli xəsarətlər alıb.
Oxu.Az-ın məlumatına görə, qəza sərnişindaşıyan mikroavtobusla VAZ-2106 markalı minik avtomobilinin toqquşması zamanı qeydə alınıb.
Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, hadisə ilə əlaqədar yanvarın 7-də saat 21 radələrində Salyan Rayon Mərkəzi Xəstəxanasının Təcili tibbi yardım şöbəsinə 9 nəfər (4 qadın, 5 kişi olmaqla) hospitalizasiya olunub.
Müxtəlif bədən xəsarətləri alan şəxslərə zəruri tibbi yardım göstərilib. Hazırda zərərçəkənlərin müalicəsi davam etdirilir, vəziyyətlərinin orta ağır olduğu bildirilir.
