Şəmkir rayonunda 14 yaşlı yeniyetmə güllələnməsinin təfərrüatı məlum olub.
Oxu.Az-ın əldə etdiyi məlumata görə, hadisə bu gün səhər 8 radələrində Dağ Daşbulaq kəndində baş verib.
Kənd sakini, 2012-ci il təvəllüdlü E.Cəfərovun güllələnmiş meyiti yaşadığı evin qonaq otağında aşkarlanıb.
Yeniyetmənin atası səhər saatlarında evə gələrkən oğlunu çağırsa da, cavab almayıb. O, evə daxil olub və bu vaxt övladının meyitini aşkarlayıb. Meyitin yanında valideynə məxsus ov tüfəngi və boş patron da aşkar edilib.
Ehtimal edilir ki, yeniyetmə silahı götürüb təmizləmək istəyərkən güllə açılıb. Nəticədə, o, hadisə yerində ölüb.
Faktla bağlı araşdırma aparılır.
Şəmkir rayonunda 14 yaşlı uşaq faciəli şəkildə ölüb.
Oxu.Az-ın əldə etdiyi məlumata görə, hadisə bu gün günorta saatlarında rayonun Dağ Daşbulaq kəndində baş verib.
Kənd sakini 2012-ci il təvəllüdlü E.Cəfərov güllə yarasından ölüb. İlkin ehtimala görə, azyaşlı evdə olan qoşalülə ov tüfəngi ilə ehtiyatsız davranıb və nəticədə güllə yarasından dünyasını dəyişib.
Hazırda hüquq-mühafizə orqanlarının əməkdaşları hadisə yerindədirlər. Hadisənin baş vermə səbəbləri araşdırılır.
