Şəmkir rayonunda baş verən bıçaqlanma hadisəsi zamanı xəsarət alan şəxslərin vəziyyəti açıqlanıb.
Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, iyulun 28-i, saat 22:40-da xəsarət alan 1999-cu il və 2005-ci il təvəllüdlü şəxslər (kişi cinsli) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunublar.
"1999-cu il təvəllüdlü şəxsə sol əlin ovuc səthinin deşilmiş-kəsilmiş yarası, 2005-ci il təvəllüdlü şəxsə sol bazunun orta 1/3-nin kəsilmiş-deşilmiş yarası, hematoma diaqnozu təyin edilib.
Vəziyyətləri qənaətbəxş qiymətləndirilən pasiyentlər ambulator müalicə üçün evə buraxılıblar", - deyə məlumatda bildirilir.
Əzizə İsmayılova
Şəmkir rayonunda bıçaqlanma hadisəsi baş verib.
Oxu.Az xəbər verir ki, rayon sakinləri 2005-ci il təvəllüdlü Kazım Əliyev və 1999-cu il təvəllüdlü Sübhan Əliyev bıçaq xəsarəti ilə xəstəxanaya aparılıblar.
Məlumata görə, Kazım və Sübhan əmioğludurlar.
Şəmkir Rayon Polis Şöbəsinin əməkdaşlarının keçirdikləri müvafiq tədbirlər nəticəsində S.Əliyevə və K.Əliyevə kəsici-deşici alətlə xəsarət yetirməkdə şübhəli bilinən, rayon sakini Ehtiram Hüseynov saxlanılaraq istintaqa təhvil verilib.
Faktla bağlı araşdırmalar davam etdirilir.
Aqil Vəlili
