Tovuz rayonunda kanaldan psixi problemləri olan şəxsin meyiti aşkarlanıb.
Oxu.Az-ın məlumatına görə, hadisə rayonun Düz Cırdaxan kəndində qeydə alınıb.
Kənd sakini 1987-ci il təvəllüdlü psixi problemləri olan Sərxan Dəmirovun meyiti kənd ərazisindəki kanalda aşkarlanıb.
Məlumatla əlaqədar dərhal Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.
Hadisə yerinə polis və prokurorluq əməkdaşları cəlb edilib. İlkin ehtimala görə, hadisə ehtiyatsızlıqdan baş verib.
Meyit sudan çıxarılaraq aidiyyəti üzrə təhvil verilib.
Faktla bağlı araşdırma aparılır.
Qaynar xətt:
(055) 224 12 12
