Xalq artisti Şükufə Yusupovanı maşın vurub.
Bu barədə Oxu.Az-a açıqlamasında onun bacısı oğlu Elman Ələsgərov məlumat verib.
O qeyd edib ki, hadisə ötən gün dünən metronun "İçərişəhər" stansiyasının yaxınlığında baş verib.
"Təxminən axşam saat 5-6 radələrində evindən çıxıb və elə evinin yaxınlığında piyada zolağının üstündə onu maşın vurub. Dünən deyirdilər çanağında sınıq var, bu gün deyirlər qabırğasında üç sınıq var. Hələ dəqiq məlumat verməyiblər. Vəziyyəti ilə bağlı dəqiq məlumatımız yoxdur, amma ağır deyil deyirlər. Hazırda reanimasiyadadır. Sadəcə nə yanına adam qoyurlar, nə də telefona icazə verirlər", - deyə E.Ələsgərov bildirib.
Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, avqustun 21-i saat 18:44-da 1954-cü il təvəllüdlü şəxs (qadın) Kliniki Tibbi Mərkəzin Təcili və Təxirəsalınmaz Tibbi Yardım şöbəsinə qəbul olunub:
"Xəstəyə dərhal ilkin zəruri tibbi xidmətlər göstərilib və müayinələr aparılıb. Aparılan müayinələrin nəticələrinə əsasən pasiyentə çanaq və qabırğanın sınıqları diaqnozları təyin edilib.
Hazırda xəstənin vəziyyəti ağır qiymətləndirilir, müalicəsi Reanimasiya şöbəsində davam etdirilir", - deyə cavabda qeyd olunub.
Əzizə İsmayılova
Xalq artisti, "Şöhrət" ordenli aktrisa Şükufə Yusupova ağır avtoqəzaya düşüb.
Oxu.Az xəbər verir ki, bu barədə Azərbaycan Kinematoqrafçılar İttifaqı məlumat yayıb.
Xalq artisti Musa Nağıyev adına xəstəxanaya yerləşdirilib, əməliyyat tələb olunur. Onun vəziyyətinin ağır olduğu bildirilir.
