Zaqatala şəhərində körpüdən yıxılaraq xəsarət alan şəxsin son vəziyyəti açıqlanıb.
Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, sentyabrın 7-si, saat 20:00-da 1985-ci il təvəllüdlü şəxs (kişi cinsli) Zaqatala Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
"Sol bud sümüyünün burmadan keçən sınıq diaqnozu təyin edilən şəxsin müalicəsi müvafiq şöbədə davam etdirilir, vəziyyəti orta ağırdır", - deyə məlumatda bildirilir.
Əzizə İsmayılova
Fövqəladə Hallar Nazirliyinin (FHN) Dövlət Yanğından Mühafizə Xidmətinin Yanğınsöndürmə Qüvvələrinin İdarəetmə Mərkəzinə Zaqatala şəhərində bir nəfərin körpüdən çay kənarına düşərək köməksiz vəziyyətdə qalması barədə məlumat daxil olub.
Oxu.Az xəbər verir ki, bu barədə FHN-in Mətbuat Xidməti məlumat yayıb.
Məlumatla əlaqədar hadisə yerinə nazirliyin ən yaxın xilasetmə qüvvələri cəlb olunublar.
Dövlət Yanğından Mühafizə Xidmətinin müvafiq xilasetmə qüvvələri tərəfindən həyata keçirilən xilasetmə tədbirləri nəticəsində sözügedən şəxs xilas olunaraq təcili tibbi yardım briqadasına təhvil verilib.
