2025-ci il UEFA Superkubokunun keçiriləcəyi şəhər açıqlanıb

2025-ci il UEFA Superkuboku matçı İtaliyanın Udine şəhərində "Friuli" stadionunda keçiriləcək.

Oxu.Az-ın məlumatına görə, bu barədə Avropa Futbol Assosiasiyaları İttifaqının (UEFA) Mətbuat Xidməti məlumat yayıb.

UEFA Superkuboku 2025-ci il avqustun 13-də baş tutacaq. Bu matçda UEFA Çempionlar Liqasının və Avropa Liqasının qalibləri qarşılaşacaqlar.

Xatırladaq ki, 2024-cü il UEFA Superkubokunu "Real Madrid" qazanıb. "Kral klubu" avqustun 14-də Varşavada keçirilmiş matçda "Atalanta"nı 2:0 hesabı ilə məğlub edib.