Adı Braziliya millisi ilə hallanan Karlo Ançelotti qərarını dəyişib

Karlo Ançelotti Braziliya millisini çalışdırmaq qərarından daşınıb.

Oxu.Az "Marca" nəşrinə istinadən xəbər verir ki, italiyalı mütəxəssis Braziliya Futbol Konfederasiyasının rəhbərinə təşəkkür edərək bu təklifi qəbul etməyəcəyini deyib.

Ançelottinin cari mövsümün sonunda "Real Madrid"dən ayrılacağı dəqiqdir. O, hazırda Səudiyyə Ərəbistanından təkliflər gözləyir.

Son məlumatlara görə, Braziliya Futbol Federasiyası rəhbərliyi baş məşqçilik üçün Jorge Jesus ilə danışıqlara başlayıb. O, əsas favoritdir. Jesusun əvəzinə "Əl-Hilal" klubuna isə Karlo Ançelotti təyin edilə bilər. Bu istiqamətdə danışıqlar aparılır.