Alvaro Morata "Atletiko Madrid"dən ayrıldığı üçün peşman olub

"Qalatasaray"da icarə əsasında çıxış edən "Milan"ın futbolçusu Alvaro Morata karyerasında verdiyi qərarlar haqqında danışıb.

Oxu.Az xəbər verir ki, o, İspaniya mətbuatına səhvlərini sadalayıb.

"Keçmişə qayıda bilsəydim, "Atletiko Madrid"i tərk etməzdim. Yayda hər şeyi daha çox düşünməli idim, amma indi bunu dəyişmək olmur. Bu məsələ Avro-2024 turniri boyunca məni narahat edirdi. Mən lazımlı və sevimli olmaq istəyirdim və Simeone, həqiqətən də, məni istəyirdi. Atam və agentim deyirdilər ki, mən səhv edirəm".

Qeyd edək ki, Morata ötən ilin yayında "Atletiko Madrid"dən "Milan"a transfer olunub. O, bu ilin qış transfer pəncərəsində icarə əsasında "Qalatasaray"a keçib.