Yasamalda restoranın qarşısındakı neqativ hal aradan qaldırıldı

Paytaxt ərazisində səkiyə qanunsuz olaraq yerləşdirilmiş iri dibçəklər yığışdırılıb.

Bakı Şəhər İcra Hakimiyyətindən Oxu.Az-ın sorğusuna cavab olaraq bildirilib ki, Yasamal rayonu Ə.Salamzadə küçəsindəki restoranın qarşısında səkiyə düzülən dibçəklər polis əməkdaşları və Bakı Şəhər Ticarət və Xidmət Departamentinin əməkdaşları tərəfindən ərazidən yığışdırılıb, lazımi tədbirlər görülüb.

Əzizə İsmayılova

11:34

Bakı şəhəri, Yasamal rayonunda sakinlər səkilərdə hərəkətə maneə yaradan iri dibçəklərin qoyulmasından şikayətçidirlər.

Bununla bağlı Oxu.Az-a şikayət ünvanlayan sakinlər qeyd ediblər ki, rayonun Ə.Salamzadə küçəsində, restoranın qarşısında qoyulan dibçəklər səkini ortadan kəsir, hərəkəti çətinləşdirir.

Məsələ ilə bağlı Yasamal Rayon İcra Hakimiyyətinə sorğu ünvanlanıb.