Alvaro Moratanın "Qalatasaray" klubundakı qazancı bəlli olub

İtaliyanın "Milan" klubundan transfer olunan Alvaro Morata "Qalatasaray" klubunda ümumilikdə 6 milyon avro gəlir əldə edəcək.

Oxu.Az "SporX"ə istinadən xəbər verir ki, futbolçu 2024-2025 mövsümünün ikinci yarısı üçün 3 milyon, 2025-2026 mövsümünün ilk yarısı üçün də 3 milyon avro qazanacaq.

"Qalatasaray" futbolçunun qalıcı transferinə qərar verəcəyi təqdirdə isə "Milan" klubuna doqquz milyon avro ödəməli olacaq.

Qeyd edək ki, "Qalatasaray" Alvaro Moratanı qalıcı olaraq transfer edəcəyi təqdirdə futbolçuya illik altı milyon avro ödəyəcək.