Amerika Kuboku: Braziliya və Kolumbiyadan möhtəşəm qələbə

Amerika Kubokunun qrup mərhələsinin ikinci tur görüşlərinə yekun vurulub.

Oxu.Az xəbər verir ki, Kolumbiya Kosta-Rika ilə, Braziliya isə Paraqvayla üz-üzə gəlib.

Günün ilk matçında Kosta-Rikanı sınağa çəkən Kolumbiya rəqibini üç cavabsız qolla cəzalandırıb - 3:0.

Turnirin əsas favoritlərindən sayılan Braziliya seçməsi isə Paraqvayı böyük hesabla məğlub edib -4:1.

Qeyd edək ki, hazırda aktivində 6 xalı olan Kolumbiya qrupun lideridir. Braziliya 4 xalla ikinci, Kosta-Rika bir xalla üçüncüdür. Xalsız olan Paraqvay qrupun sonuncusudur.