Anri Fabreqasın oynadığı klubu aldı - FOTO

Keçmiş fransalı hücumçu Tyerri Anri İtaliyanın ikinci liqasından “Komo” klubunun ortaq sahibi olub.

45 yaşlı fransız hazırda “Arsenal”dakı keçmiş həmkarı, yarımmüdafiəçisi Fransesk Fabreqasın çıxış etdiyi klubun minoritar səhmdarına çevrilib.

“Uzun müddətdir ki, belə bir layihənin tərkib hissəsi olmaq fürsətini gözləyirdim. “Komo” iddialı klubdur və ən əsası mənimlə eyni dəyərləri paylaşan klubdur. Bu, sadəcə bir futbol komandası deyil, yerli ictimaiyyətə kömək edən bir strukturdur”, - deyə Anri bildirib.

Mənbə: sports.ru