İngiltərənin "Arsenal" futbol klubu heyətini Avropa çempionu ilə gücləndirib.
Oxu.Az bu barəcə sport24.ru-ya istinadla xəbər verir.
Bildirilir ki, "topçular" İspaniya yığmasının heyətində Avropa çempionu olmuş Martin Subimendi ilə müqavilə bağlayıblar.
London təmsilçisi bu transfer üçün dayaq yarımmüdafiəçisinin çıxış etdiyi "Real Sosyedad"a 65 milyon avro ödəyib.
26 yaşlı oyunçu ilə imzalanmış müqavilənin müddəti 2030-cu ilədək nəzərdə tutulub.
