“Arsenal”dan qol yağışı, “Tottenhem” evdə uduzdu - VİDEO

İngiltərə Premyer Liqasında 25-ci turun oyunları davam edir.

Tur çərçivəsində “Arsenal” səfərdə “Börnli”ni darmadağın edib. “Topçular” sözün həqiqi mənasında ev sahiblərini topa tutublar - 0:5.

“Aston Villa” səfər matçında “Fulhem”dən üstün olub. Meydan sahibi komanda qonaqların 2 qolundan yalnız birinin əvəzini çıxmağı bacarıb - 1:2.

“Nyukasl” evdə “Bornmut”la “sülhə” razılaşıb. Komandalar hərəyə iki dəfə fərqləniblər - 2:2.

“Tottenhem” isə doğma meydanda “Vulverhempton”a uduzub. Qomesin dublu qonaqlara üç xalı təmin edib - 1:2.

Qeyd edək ki, “Arsenal”ın 25 oyundan sonra 55 xalı var və ikinci pillədə qərarlaşıb. Onu lider “Liverpul”dan iki xal ayırır. “Topçular”ın ən yaxın təqibçisi isə üç xal fərqlə “Mançester Siti”dir, lakin “şəhərlilər”in ehtiyatında iki oyun var. “Tottenhem” isə bu məğlubiyyətdən sonra 47 xalla beşinci yerdə qalıb.