“Australian Open” turnirinin digər finalçısı da məlum oldu - YENİLƏNİB + FOTO

“Australian Open” turnirində rusiyalı raketka ustası Daniil Medvedev almaniyalı həmkarı Aleksandr Zverevə qalib gəlib və finala yüksəlib.

“Böyük Dəbilqə”nin 4 saat 19 dəqiqə davam edən ikinci yarımfinalı 5:7, 3:6, 7:6 (7:4), 7:6 (7:5), 6:3 hesabı ilə rusiyalı tennisçinin xeyrinə başa çatıb.

Mövsümün ilk “Böyük Dəbilqə” Kuboku uğrunda bazar günü baş tutacaq final görüşündə Daniil Medvedev italiyalı Yannik Sinnerlə qarşılaşacaq.

Mənbə: Sport24.ru

14:36

Serbiyalı Novak Cokoviç “Australian Open” turnirinin yarımfinalında Yannik Sinnerə uduzub.

İtaliyalı tennisçi dörd setdə dünyanın bir nömrəli raketka ustasını “Böyük Dəbilqə” turnirlərindən mövsümün birincisində 6:1, 6:2, 7:6, 6:3 hesabı ilə məğlub edib.   

İspan Karlos Alkarasın mübarizədən kənarlaşmasından sonra ən çox "Böyük Dəbilqə" Kubokunun sahibi (hazırda onun 24 kuboku var) Sinnerlə oyuna qədər turnirin aşkar favoriti olub.

Yannik Sinner isə turnirin finalında digər yarımfinalda güclünü aydınlaşdıran Daniil Medvedev və Aleksandr Zverevdən biri ilə qarşılaşacaq.

Mənbə: Sports.ru