Daha bir güləşçimiz yarımfinalda

Slovakiyanın Bratislava şəhərində keçirilən güləş üzrə Avropa çempionatında macarıstanlı rəqibini məğlub edən Giorgi Meşvildişvili yarımfinala yüksəlib.

Oxu.Az xəbər verir ki, güləşçimiz macarıstanlı üç qat Avropa mükafatçısı Vladislav Baytsayevə 5:0 hesabıyla qalib gələrək yarımfinala adını yazdırıb.

15:09

Ağanəzər Novruzov Slovakiyanın Bratislava şəhərində keçirilən güləş üzrə Avropa çempionatında yarımfinala yüksəlib.

Oxu.Az xəbər verir ki, sərbəst güləş üzrə 74 kq çəki dərəcəsində mübarizə aparan güləşçimiz gürcüstanlı rəqibi Giorgi Elbakidzeni 5:3 hesabı ilə məğlub edib.

Digər güləşçimiz Arseni Djioyev isə rəqibi Artur Naifanova 1:2 hesabı ilə məğlub olub.

14:29

Osman Nurməhəmmədov Slovakiyanın Bratislava şəhərində keçirilən güləş üzrə Avropa çempionatına uğurlu start verib.

Oxu.Az xəbər verir ki, 92 kq çəki dərəcəsində mübarizə aparan güləşçimiz ukraynalı rəqibi Denis Saxalyuku 11:0 hesabı ilə məğlub edərək dörddəbir final mərhələsinə yüksəlib.

14:13

Ağanəzər Novruzov Slovakiyanın Bratislava şəhərində keçirilən güləş üzrə Avropa çempionatına uğurlu start verib.

Oxu.Az xəbər verir ki, 74 kq çəki dərəcəsində mübarizə aparan güləşçimiz rəqibi Eqor Akuliçi 10:0 hesabı ilə məğlub edərək dörddəbir final mərhələsinə yüksəlib.

Onun bu mərhələdəki rəqibi gürcüstanlı güləşçi Giorgi Elbakidze olacaq.

13:58

Slovakiyanın Bratislava şəhərində güləş üzrə Avropa çempionatı keçirilir.

Oxu.Az xəbər verir ki, 79 kq çəki dərəcəsində mübarizə aparan Orxan Abasov slovakiyalı rəqibi Axsarbek Djulaevə 3:4 hesabı ilə məğlub olub.

Xatırladaq ki, Orxan Abasov ötən gün dörddəbir final mərhələsində fransalı rəqibi Zəlimxan Hacıyevə məğlub olub (5:9), mübarizəni təsəlliverici görüşlərlə davam etdirəcəkdi.

Qeyd edək ki, bu gün daha üç güləşçimiz üçüncü yer uğrunda mübarizəyə start verəcək. Onların rəqibləri hələ ki məlum deyil.

09:56

Slovakiyanın Bratislava şəhərində sərbəst güləş üzrə Avropa çempionatı keçirilir.

Oxu.Az xəbər verir ki, çempionatının ikinci günündə daha beş güləşçimiz döşək üzərinə çıxacaq:

- 61 kq. Nurəddin Novruzov növbəti mərhələdəki rəqibini gözləyir;

- 74 kq. Ağanəzər Novruzov - Eqor Akuliç (UWW);

- 86 kq. Arseni Djioyev - Artur Naifonov (UWW);

- 92 kq. Osman Nurməhəmmədov - Denis Saxalyuk (Ukrayna);

- 125 kq. Giorgi Meşvildişvili - növbəti mərhələdəki rəqibini gözləyir.

Qeyd edək ki, İslam Bazarqanov, Əli Rəhimzadə, Kənan Heybətov isə üçüncü yer uğrunda mübarizə aparacaqlar.