Azərbaycanın sərbəst güləşçisi Osman Nurməhəmmədov Slovakiyanın paytaxtı Bratislavada keçirilən Avropa çempionatında gümüş medal qazanıb.
Oxu.Az xəbər verir ki, 92 kq çəki dərəcəsində mübarizə aparan təmsilçimiz finalda Dauren Kuruqluyevə (Yunanıstan) məğlub olub.
Bu, Azərbaycan millisinin yarışdakı ilk gümüş medalı olub.
Qeyd edək ki, daha əvvəl güləşçilərimizdən İslam Bazarqanov (57 kq), Əli Rəhimzadə (65 kq), Kənan Heybətov (70 kq) və Ağanəzər Novruzov (74 kq) yarışın bürünc medalına sahib çıxıblar.
20:46
Azərbaycanın sərbəst güləşçisi Ağanəzər Novruzov Slovakiyanın paytaxtı Bratislavada keçirilən Avropa çempionatında bürünc medal qazanıb.
Oxu.Az xəbər verir ki, 74 kq çəki dərəcəsində mübarizə aparan idmançı üçüncü yer uğrunda görüşdə Ramazan Ramazanova (Bolqarıstan) qalib gəlib.
Qeyd edək ki, ötən gün təmsilçilərimizdən İslam Bazarqanov (57 kq), Əli Rəhimzadə (65 kq) və Kənan Heybətov (70 kq) fəxri kürsünün üçüncü pilləsinə qalxmışdı.
Güləş üzrə Avropa çempionatı davam edir.
Oxu.Az xəbər verir ki, Slovakiyanın paytaxtı Bratislavada keçirilən yarışın üçüncü günündə qadınların mübarizəsinə start verilib.
Azərbaycan millisinin iki idmançısı xalçaya çıxıb. Onlardan biri yarımfinala yüksəlib.
Bu gün həm də sərbəst güləşçilərin çıxışına yekun vurulacaq. Yığmamızın iki pəhləvanı finalda, biri bürünc uğrunda qarşılaşmada qüvvəsini sınayacaq.
Güləşçilərimiz Bratislavadakı çempionatın ilk iki günündə 3 bürünc medal qazanıblar.
Avropa çempionatı
Qadın güləşi
55 kq - Elnurə Məmmədova təsnifat mərhələsindən mübarizəyə başlayıb. O, rumıniyalı Beatris Ferentlə "tuş"la məğlub olub.
59 kq - Alyona Kolesnik 1/4 finalda xalçaya çıxıb. O, Alesiya Hetmanavaya (UWW) 7:2 hesabı ilə qalib gələrək yarımfinala yüksəlib.
Sərbəst güləş
74 kq - Ağanəzər Novruzov bürünc uğrunda Ramazan Ramazanovla (Bolqarıstan) qarşılaşacaq.
92 kq - Osman Nurmaqomedov qızıl uğrunda Dauren Kuruqliyevlə (Yunanıstan) qarşılaşacaq.
125 kq - Giorgi Meşvildişvili finalda gürcüstanlı Solomon Manaşvilə ilə üz-üzə gələcək.
Slovakiyanın Bratislava şəhərində keçirilən güləş üzrə Avropa çempionatının üçüncü günündə sərbəst güləş üzrə iki qadın güləşçimiz mübarizəyə qatılacaq.
Oxu.Az xəbər verir ki, 55 kq çəki dərəcəsində Elnurə Məmmədova, 59 kq çəki dərəcəsində isə Alena Kolesnik mübarizəyə start verəcək.
Kişilərin görüşündə isə Ağanəzər Novruzov bolqarıstanlı rəqibi Ramazan Ramazanovla bürünc medal uğrunda mübarizə aparacaq.
Osman Nurməhəmmədov və Giorgi Meşvildişvili isə final görüşü üçün döşək üzərinə çıxacaq.
Hazırda Azərbaycanın aktivində sərbəst güləşçilərin qazandığı üç medal var: İslam Bazərqanov (57 kq), Əli Rəhimzadə (65 kq) və Kənan Heybətov (70 kq) bürünc medal qazanıblar.
