Azərbaycan atleti Serbiyada qızıl medal qazandı

Azərbaycan atleti Rüstəm Məmmədov Serbiyanın paytaxtı Belqradda qapalı məkanda keçirilən Balkan çempionatında qızıl medal qazanıb.

Oxu.Az xəbər verir ki, bu barədə Atletika Federasiyası məlumat yayıb.

Bildirilib ki, idmançı üç təkanla tullanmada 16.30 metr göstərici ilə bütün rəqiblərini qabaqlayıb.

Sonuncu dəfə Azərbaycan idmançılarından Nazim Babayev 2020-ci ildə qapalı məkanda Balkan çempionatının qalibi olmuşdu.

Qeyd edək ki, yarışda Azərbaycan 6 idmançı ilə təmsil olunur. Balkan çempionatında 9 ölkədən 12 atlet iştirak edib.