"Sumqayıt" Azərbaycan Kubokunda 1/4 finala yüksələn sonuncu klub oldu

Futbol üzrə Azərbaycan Kubokunda 1/4 finala yüksələn sonuncu klubun adına Mehdi Hüseynzadə adına Sumqayıt şəhər stadionunda aydınlıq gəlib.

Oxu.Az xəbər verir ki, 1/8 finalda üz-üzə gələn "Sumqayıt" və MOİK kollektivlərinin görüşündə meydan sahibləri 3:1 hesablı qələbəyə sevinib.

"Gənclik şəhəri" təmsilçisinin qollarını Sertan Taşkın (30), Sənan Muradlı (98) və Rəhim Sadıxov (118) vurub. "Hərbçilər"in heyətində isə İbrahim Əliyev (64) fərqlənib.

Vaqif Cavadovun rəhbərlik etdiyi "Sumqayıt" növbəti mərhələdə "Sabah"la qarşılaşacaq.

20:58

Futbol üzrə Azərbaycan Kubokunda "Zirə" 1/4 finala vəsiqə qazanıb.

Oxu.Az xəbər verir ki, qəsəbə təmsilçisi 1/8 finalda "Şamaxı"ya 3:1 hesabı ilə qalib gəlib.

Zirə Olimpiya İdman Kompleksində baş tutan matçda meydan sahiblərinin heyətində Ayron Qomis (12), Ceyhun Nuriyev (24) və Yusuf Laval (52) fərqlənib. Qonaqların yeganə qoluna isə Brahim Konate (41) imza atıb.

Bu qələbənin ardından "Zirə" 1/4 finalda "Araz-Naxçıvan" ilə üz-üzə gələcək.

19:56

"Neftçi" futbol üzrə Azərbaycan Kubokunda 1/4 finala yüksəlib.

Oxu.Az xəbər verir ki, 1/8 final oyununda "Difai" komandasını qəbul edən "ağ-qaralar" 6:0 hesablı qələbə qazanıb.

Paytaxt təmsilçisinin heyətində Yeqor Boqomolski (21, 66), Murad Məmmədov (25), Yuri Matias (27), Ağadadaş Salyanski (57) və Andrey Ştoqrin (63) fərqlənib.

Bu nəticənin ardından "Neftçi" növbəti raundda "Kəpəz"lə qarşılaşacaq.

19:00

Futbol üzrə Azərbaycan Kubokunun 1/8 finalının ikinci oyun günündə daha iki görüşə start verilib.

Oxu.Az bildirir ki, Zirə İdman Kompleksində "Zirə" "Şamaxı"nı qəbul edir.

Oyunu canlı yayımda izləyə bilərsiniz:

"Sumqayıt" Azərbaycan Kubokunda 1/4 finala yüksələn sonuncu klub oldu

Eyni zamanda, Mehdi Hüseynzadə Sumqayıt şəhər stadionunda "Sumqayıt"la MOİK qarşılaşır:

"Sumqayıt" Azərbaycan Kubokunda 1/4 finala yüksələn sonuncu klub oldu

18:00

Futbol üzrə Azərbaycan Kubokunun 1/8 finalının ikinci oyun günündə növbəti görüşə start verilib.

Oxu.Az bildirir ki, "Neftçi Arena" stadionunda "Neftçi" "Difai Ağsu"nu qəbul edir.

Oyunu canlı yayımda izləyə bilərsiniz:

"Sumqayıt" Azərbaycan Kubokunda 1/4 finala yüksələn sonuncu klub oldu

17:56

Azərbaycan Kubokunun 1/8 final mərhələsinin ikinci oyun gününə iki görüşlə start verilib.

Oxu.Az xəbər verir ki, "Qarabağ" "Qəbələ"ni 2:0, "Kəpəz" isə "İmişli"ni 1:0 hesabı ilə məğlub edib.

"Qəbələ" - "Qarabağ" oyununda hesabı 7-ci dəqiqədə Abdulla Zubir açıb. 90+1-ci dəqiqədə isə Murad Musayev öz qapılarına vurduğu qolla qonağın 1/4 finala çıxmasını təmin edib.

"Kəpəz" - "İmişli" görüşündə isə yeganə qolun müəllifi 85-ci dəqiqədə Kərim Lekuça olub. O, penalti zərbəsini dəqiq yerinə yetirib.

Xatırladaq ki, "Qarabağ" 1/4 finalda "Səbail"lə qarşılaşacaq. "Kəpəz" isə "Neftçi" - "Difai Ağsu" cütünün qalibi ilə qarşılaşacaq.

16:00

Futbol üzrə Azərbaycan Kubokunda 1/8 final görüşləri keçirilir.

Oxu.Az bildirir ki, eyni zamanda iki oyun başlayıb.

Qəbələ şəhər stadionunda "Qəbələ" "Qarabağ"ı qəbul edir:

"Sumqayıt" Azərbaycan Kubokunda 1/4 finala yüksələn sonuncu klub oldu

Tovuz şəhər stadionunda isə "Kəpəz" "İmişli"ni sınağa çəkir:

"Sumqayıt" Azərbaycan Kubokunda 1/4 finala yüksələn sonuncu klub oldu

09:14

Bu gün Azərbaycan Kubokunda 1/8 final görüşlərinə beş görüşlə yekun vurulacaq.

Oxu.Az xəbər verir ki, "Qəbələ" "Qarabağ"ı, "Kəpəz" "İmişli"ni, "Neftçi" "Difai Ağsu"nu, "Sumqayıt" MOİK-i, "Zirə" isə "Şamaxı"nı qəbul edəcək.

Xatırladaq ki, ilk oyun günündə "Araz-Naxçıvan" "Mingəçevir"i 3:1, "Səbail" "Qaradağ Lökbatan"ı 2:0 hesabı ilə məğlub edib. "Turan Tovuz" - "Sabah" matçı 2:2 hesablı heç-heçə ilə yekunlaşdığından qalibin adına penaltilər seriyasında aydınlıq gətirilib. Burada daha güclü olan "Sabah" 1/4 final mərhələsinə yüksəlib.

Qeyd edək ki, 1/4 finalda "Zirə" - "Şamaxı" cütünün qalibi "Araz-Naxçıvan"la, "Qəbələ" - "Qarabağ" görüşünün qalibi "Səbail"lə, "Kəpəz" - "İmişli" matçının qalibi "Neftçi" - "Difai Ağsu" cütünün qazananı ilə, "Sumqayıt" - MOİK qarşılaşmasının qalibi isə "Sabah"la üz-üzə gələcək.