Futbol üzrə Azərbaycan Kubokunda yarımfinal mərhələsinin ilk oyunları çərçivəsində daha bir matç baş tutub.
Oxu.Az xəbər verir ki, "Qarabağ" "Sabah"la üz-üzə gəlib.
Tofiq Bəhramov adına Respublika stadionunda baş tutan görüş heç-heçə bitib - 2:2.
"Qarabağ"ın heyətində 29 və 60-cı dəqiqələrdə Kadi Borges fərqlənib. "Sabah"dan isə Umarali Raxmonaliyev (23, 65-pen.) dubla imza atıb.
Futbol üzrə Azərbaycan Kubokunda yarımfinal mərhələsinə start verilib.
Oxu.Az xəbər verir ki, "Turan Tovuz" "Zirə" ilə üz-üzə gəlib.
Mehdi Hüseynzadə adına Sumqayıt şəhər stadionunda baş tutan matçda "Zirə" qələbə qazanıb - 2:0.
Qolları Eren Aydın (55) və Leroy Mikels (88) rəqib qapısından keçiriblər.
Bu gün daha bir görüş baş tutacaq. Turnirin son qalibi "Sabah" "Qarabağ"la münasibətlərə aydınlıq gətirəcək. Görüş Tofiq Bəhramov adına Respublika stadionunda, saat 20:00-da başlayacaq.
Xatırladaq ki, raundun cavab matçları aprelin 21-22-də keçiriləcək.
Futbol üzrə Azərbaycan Kubokunda yarımfinal mərhələsinə start verilir.
Oxu.Az xəbər verir ki, mərhələnin hər iki görüşü bu gün keçiriləcək.
Günün ilk qarşılaşmasında "Turan Tovuz" "Zirə"ni qəbul edəcək. Oyun Mehdi Hüseynzadə adına Sumqayıt şəhər stadionunda saat 17:30-da start götürəcək.
Günün ikinci matçında "Sabah" səfərdə "Qarabağ"la üz-üzə gələcək. Bu görüş Tofiq Bəhramov adına Respublika stadionunda saat 20:00-da başlayacaq.
Azərbaycan Kuboku
Yarımfinal
İlk oyunlar
3 aprel
17:30. "Turan Tovuz" - "Zirə"
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
VAR: Cavid Cəlilov.
AVAR: Kamran Bayramov.
Hakim-inspektor: Babək Quliyev.
AFFA nümayəndəsi: Elçin Mehtiyev.
Mehdi Hüseynzadə adına Sumqayıt şəhər stadionu
20:00. "Qarabağ" - "Sabah"
Hakimlər: Rauf Cabarov, Elşad Abdullayev, Pərvin Talıbov, İnqilab Məmmədov.
VAR: Kamal Umudlu.
AVAR: Vüsal Məmmədov.
Hakim-inspektor: Asim Xudiyev.
AFFA nümayəndəsi: Erkin Hüseynov.
Tofiq Bəhramov adına Respublika stadionu
