Azərbaycan millisinin 2025-ci ildə yoldaşlıq görüşü keçirəcəyi komandalardan biri bəlli olub

Azərbaycan millisinin 2025-ci ildə yoldaşlıq görüşü keçirəcəyi rəqiblərdən biri böyük ölçüdə bəlli olub.

Sport24.az-ın əldə etdiyi məlumata görə, Fernandu Santuşun "sükanı arxasında" olduğu komandanın Rusiya millisi ilə qarşılaşma ehtimalı böyükdür.

Bu məsələ ilə bağlı bütün suallara dekabrın 13-də keçiriləcək püşkatmadan sonra aydınlıq gətiriləcək.

Qeyd edək ki, bu ayın 13-də Nyonda keçiriləcək püşkatmada Azərbaycan millisinin Avropa çempionatının seçmə mərhələsində rəqibləri müəyyənləşəcək.