Azərbaycan Premyer Liqasının VII turunda "Turan Tovuz" doğma meydanda "Araz-Naxçıvan"a məğlub olub.
Oxu.Az xəbər verir ki, Tovuz şəhər stadionunda baş tutan görüş qonaqların 2:1 hesablı qələbəsi ilə başa çatıb.
Tovuz komandasının heyətində 48-ci dəqiqədə Ayxan Quseynov fərqlənib. Naxçıvan təmsilçisindən isə Ramon Maçado (44) və Felipe Santos (55) rəqib qapısına yol tapıb.
Qeyd edək ki, bu nəticədən sonra xallarının sayını 13-ə çatdıran "Araz Naxçıvan" 3-cü pilləyə yüksəlib. 14 xala malik "Turan Tovuz" isə ikinci pillədə qalıb. Tura sabah keçiriləcək 2 görüşlə yekun vurulacaq.
Azərbaycan Premyer Liqasının VII turunda bu gün daha bir oyun baş tutacaq.
Oxu.Az xəbər verir ki, "Turan Tovuz" klubu doğma meydanda "Araz Naxçıvan"la qarşılaşacaq.
Tovuz Şəhər Stadionunda keçiriləcək görüşün start fiti saat 18:00-da səsləndiriləcək. Oyunu FIFA referisi Elçin Məsiyev idarə edəcək. Hazırda "Turan Tovuz" 14 xalla turnir cədvəlinin ikinci pilləsində qərarlaşıb. 5-ci yerdə olan "Araz-Naxçıvan"ın isə 10 xalı var.
Azərbaycan Premyer Liqası
VII tur
21 sentyabr
18:00. "Turan Tovuz" - "Araz-Naxçıvan"
Hakimlər: Elçin Məsiyev, Elşad Abdullayev, Pərvin Talıbov, Tural Qurbanov
Tovuz şəhər stadionu
Qeyd edək ki, VII turun ötən gün keçirilən görüşlərində "Şamaxı" səfərdə "Kəpəz"i 2:0, "Qarabağ" isə "Azərsun Arena"da "Neftçi"ni 4:0 hesabı ilə məğlub edib. VII tura sabah baş tutacaq iki oyunla yekun vurulacaq.
Rəylər