Azərbaycanın kişilərdən ibarət şahmat yığması İslandiyanın paytaxtı Reykyavikdə keçirilən Avropa komanda çempionatının 4-cü turunda Türkiyəyə qalib gəlib.
Oxu.Az xəbər verir ki, komandamız 3,5:0,5 hesabı ilə qalib gəlib.
Birinci lövhədə Şəhriyar Məmmədyarov ağ fiqurlarla Draqan Solaka qarşı heç-heçə oynayıb.
İkinci lövhədə Teymur Rəcəbov qara fiqurlarla Mustafa Yılmaza qalib gəlib.
Ağ fiqurlarla oynayan Arkadi Naydiç Barış Eseni, qara fiqurlarla oynayan Rauf Məmmədov isə Emre Canı məğlub edib.
Çempionatın vahid lideri bu gün Ukraynaya qalib gəlmiş Rusiyadır (8 xal).
Azərbaycan yığması yarışda 6 xal qazanıb.
F.H.
www.oxu.az
