Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunları çərçivəsində ağırlıqqaldırma yarışları davam edir.
Oxu.Az xəbər verir ki, birdənqaldırma hərəkətində 65 kiloqram nəticə göstərərək üçüncü yeri tutan Nuray Əbilova daha iki bürünc medal qazanıb.
15 yaşlı idmançımız təkanla qaldırma hərəkətində 79 kiloqram nəticə göstərib.
Beləliklə, ümumilikdə 144 kiloqram çəkini başı üzərinə qaldıran Nuray Əbilova yarışı üç bürünc medalla başa vurub.
Azərbaycan VI İslam Həmrəyliyi oyunlarında ilk medalını qazanıb.
Oxu.Az "Report"a istinadən xəbər verir ki, Nuray Əbilova (48 kq) ağırlıqqaldırma yarışlarında bürünc medal qazanıb.
15 yaşlı idmançı birdənqaldırma hərəkətində 65 kq ağırlığın öhdəsindən gəlib.
Qeyd edək ki, Azərbaycan yarışda 20 növdə 174 idmançı ilə təmsil olunur.
