Azərbaycanın daha bir klubu doqquz futbolçusu ilə yolları ayırdı

"Turan Tovuz" klubu doqquz futbolçusu ilə yolları ayırıb.

Oxu.Az xəbər verir ki, bu barədə bölgə təmsilçisinin Mətbuat Xidməti məlumat yayıb.

Bildirilib ki, yeni mövsümün heyət planlamasına start verən "Turan Tovuz" müqavilə müddətləri başa çatan İvan Konovalov, Alexandro Serrano, Kauan Martins de Paula, Eltun Turabov, Kristian da Silva, İsmayıl Zülfüqarlı, Araş Qadiri, Anton Kraçkovski və Sadiq Quliyevlə vidalaşıb.

Qeyd edək ki, bundan əvvəl "Neftçi" doqquz futbolçusu ilə yollarını ayırmışdı.